كتير مننا فى عز الضعف بيدور على اللى يسنده وياخد بإيده عشان يخرجه من اللى هو فيه سواء من آلم أو حيره أو حزن أو....
يدور على اللى يفهمه...يساعده وكتيير بنلاقى صديق او أتين ويمكن تلاته
تبدأ تتكلم وتبكى وتشكى وتتألم
يبدأو يحسوا بيك ...يشاركوك...ويحاولوا كمان يساعدوك
ومره فى مره تحس إن كلامك مالوش لازمه وإنه بقى ماسخ وإن الحزن ده كمان شئ بايخ
مالوش لازمه يطووول الكلام وخصوصا إن مهما تقول وتعيد وتزيد مفيش حاجه بالكلام بتنحل
تبدأ تسكت وتنكتم خالص وتقول الكل مش ناقص كل واحد فيه اللى يكفيه
تبدأ تلف وتدور مع الأفكار...فى ليل ونهار وكأنها مسيطره على يومك...وتزداد الهموم أنهار
ولكن إنت عارف كويس إن فى حد مستنيك..من تقصيرك معاه مكسوف تدعيله
وتقوله يــــارب قوينى ده أنا مهدود هنا حيلى..وصبرنى وقدرنى...وخرجنى من أفكار نهارى وليلى
تحس فى لحظه إنه كريم وكرمه مالوش حدود..كان لازمتها إيه أتوه وأحتار وربى اللى خلق الكون موجود
وتفكر إدعيله بإيه..وتدور ع الكلام مش لاقيه
وفى الأخر وبعد الغلبه لما تطووول عليك
تلاقى حاجه طالعه من جوه قلبك بتقول
يــــــــــــــــــــــــــــــارب
إنت العالم بحالى والغنى عن سؤالى
يـــــــــــــــارب
....