.jpg)
المشاركات
آه هى فعلا حاجه غريبه تصدقوا لأ دى بجد طلعت غريبه
خلينى أتكلم عنها وهى "مدونتى"
مش ليها صدى
آه هى فعلا ملهاش صدى ومش مهم يكون ليها صدى
طيب ممكن سؤال ياشاطره
طبعا إتفضلى... الأسأله مباحه هنا
إنتى فاتحه المدونته دى ليه؟
بصراااحه كنت فاكره إن فى حد ممكن يهتم لكتاباتى أو حتى يحسسنى إنى بقول حاجه بتعجب حد
بس!!!!
دلوقتى قصدى يعنى
طالما بقول اللى فى نفسى يبقى خلاص مش مهم حد يسمعنى لكن اللى أنا عارفه ومتأكده منه إن فى ناس بتتبع تدوينى ولكن هما مش بيدوا تعليق
أينعم انا قفلتها قبل كده لكن بإلحاحهم عليا إنى أفتحاها وأرجع أكتب فتحتها عشان خاطرهم هما بس
المهم يعنى نوصل لمقوله
أنا مبسوطه كده
وخلاص بس كده لأن هو كده كده
................
2 التعليقات:
الحقيقة ديه اول زيارة ليا للمدونة اللي اعجبتني جداً بعد تصفح سريع لمواضيعها و بنظامها و شكلها كمان .. بس حبيت اقولك ان التدوين كمان حالة او بمثابة الخلاص لينا احنا مش بنكتب علشان حد احنا بنكتب علشان نفسنا لانها وسيلة فعالة جداً للفضفضة و بنكون اسعد لو لقينا تجاوب من الناس و مشاركة وجدانية و فعلية كمان .. عموما شكراً لزيارتك و سعيد بيها لانها عرفتني على مدونتك الجميلة .. استمري يا فندم في التدوين بغض النظر عن اي اعتبارات تانية .. تحياتي
25 أبريل 2009 في 1:06 مشكرا ليك وبإن شاء الله أنا مستمره فى التدوين لأنه هوايه عندى بس كان على ورق المره دى على صفحه ويب وده شجعنى أكتب أكتر وأكتر وأنا فعلا مقتنعه بإنه عشان نفسنا قبل أى حد تانى
25 أبريل 2009 في 3:06 مإرسال تعليق