.jpg)
المشاركات
أحيانا كتيير مش فاكره كام بنوقف مره وحده ونسأل ده أنا أنا ولا حد تانى؟
من كتر التوهاااان من كتر إنك عايز تحس بوجودك من كتر إنك شايف كائن فيك بيتصرف لحاله
وإنت مش فاهم حاجه ياغلبان
تبدأ ترجع فى اللى فات وتحاول تشوف إنت كنت إيه
وفجاءه وبدون مقدمات تلاقى نفسك دخلت فى شريط الذكريات بيرجع بيك وفلاشات بتنور وتنطفى وآلام وأفراح تيجى وتهل قدام عنيك
تحاول تغمض عشان متشوف حاجه لكن للأسف تلاقيها محفوره جوه عقلك وإنت السبب لأنك وقفت وسألت نفسك
ماهو كل اللى عملته إنك شلت التراب من على شئ مااااات
ودلوقتى إنت مش عارف تضحك ولا تحزن ع الأيام ع السنين اللى ضاعت ولا على إيه وإيه........
تمسك فى الحزن وتسيب الفرح لأنك شوفت فى شريط الذكريات شئ بيآلمك شئ بيعذبك أكتر ما بيفرحك ذكرى فى أيام من الزمان
وآآآآآآآآآآآآآآه يازمن
عذبتنا فى لحظه ورجعتنا فى لحظه للى كان
تبدأ تلوم نفسك ونحس بالندم على اللى كان
وتلاقى نفسك بتقول..
أنا السبب ... لأ دى الأيام ..... طيب ما يمكن الناس ليهم دخل كمان
ده اللى ضيعنى ...... لأ دى كانت نفسى ..... طيب ما يمكن الظروف
ده اللى كان........
أسأله وكلام كتييير يرجع يلف ويدور من جديد
لكن فى نهايه الكلام
أبداااااااااااااا ما ينفع ملاااااااااااام
........
0 التعليقات:
إرسال تعليق